الرئيسيةالبوابةاليوميةس .و .جبحـثالأعضاءالمجموعاتالتسجيلدخول
"سبحان الله وبحمده عدد خلقهِ ورِضَا نفسِهِ وزِنُة عَرشِهِ ومِداد كلماته"
http://3arabisoft.blogspot.com/


شاطر | .
 

 حاجة سريعة اعمليها ليلة العيد صحيت الصبح شعري حاجة تانية وريحته روعة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عاشقة الجنة
جميلة الجميلات
جميلة الجميلات


عدد المساهمات : 329
نقاط : 965
تاريخ التسجيل : 02/10/2011

مُساهمةموضوع: حاجة سريعة اعمليها ليلة العيد صحيت الصبح شعري حاجة تانية وريحته روعة   الإثنين أغسطس 05, 2013 10:47 pm

اول ماصحيت قولت لازم افتح النت واحكي ليكو القمرات
ع اللي حصل معايا علشان يعملوا زي خصوصا ان العيد باقي عليه
يومين وشوية ومافيش وقت نعالج شعرنا وعايزينه يكون ناعم ومفرود
ف العيد يبقى ايه العمل انا هقولك
اولا قبل مارغي كل اللي هنحتاجه 
المرحلة الاولى : 
بيضة + علبة زبادي + م زيت زيتون
المرحلة التانية
زيت زيتون بتاع الاكل (انا جبت ازازة كبيرة ب 5 ج) + زيت كرامة ( الازازة ب 4 ج )
ممكن تستبديليهم باي زيوت تانية انتي مرتحالها بس انا بنصح بدول بالذات 
اولا زيت الزيتون مفيد جدا والكل يعرفه وكرامة روعة
مدخل ف الموضوع
انا شعري ليه فترة كبيرة ناشف وكل شعرة واقفة واحدها ومقصف بطريقة رهيبة
رغم اني بقصه ساعات اخر مرة قصيت حتة كبيرة المهم كله يقولي قصيه 
وانا مش راضية ماصدقت انه وصل لطوله الاولاني قولت خلاص امسك شعرايه 
شعرايه واقص منها فتفوتة المهم معرفتش حاولت على قد ماقدر وفشلت
اسفة رغيت كتير المهم 
عملت ايه؟
جبت بيضة + زبادي (اي كمية انا استخدمت حوالي ثلثي العلبة) + حوالي ملعقة زيت زيتون
ضربتهم في الخلاط لان مضرب البيض عند اختي كسلت اجيبه
وغسلت شعري بالصابون عادي ونضفته ثم وضعت عليه الخلطة 
وغطيته بالبونيه وربطت حليه طرحة ساعة ونص وفكيت الطرحة وسبت البونيه
قعدت بالخلطة من الساعة 12 الساة 2:30 شلت البونيه وسبته يتهوى شويه وكمان
لان راسي بقت دافيه خالص لما فكيت الطرحة ما تسحملتش اقعد بالبونيه كتير
المهم الساعة 3:30 وعلى الشاور على طول غسلت شعري الاول بعيد عن جسمي 
علشان البيض تحت الحنفية قبل ما اشغل الدوش بمياه دافية وبعديت اخدت الشاور عادي 
طلعت نشفت شعري وسبته مفلوت من غير تسريح خمس دقايق ينشف شوية وبدأت ادهن 
الفروه حاجة بسيطة بطراطيف الاصابع حتة زيت زيتون وادلك بيه الفروة وشوية من زيت كرامة 
وادلك بيه الفروة لمدة حوالي 5 دقائق بعد كده دهنت شعري بالزيتين الزيتون وكرامة وفتفوتة فازلين عادي
وقمت مسرحاه وعملاه طاقية وصليت الفجر ونمت صحيت فكيته لقيته 
نااااااااااااااااااااااااااااعم وجمييييييييل وبيلمع وريحة روووووووووووووووووووووعة 
مافيش ريحة بيض خالص بقت ريحته ريحت زيت كرامة اصلها روعة
بس انا مش بعرف الف طاقية كويس فكان عايز كحكة قدام علشان القصة تتفرد وعملته
فيه حاجة نسيت اقولها بعد ما غسلت شعري ببص ف المراية قولت لوالدتي الحقي 
شعري سود ليه كده قالتلي لا ده ماسودش ده بس لمع زيادة 
يلا يا حلوين اعملوها ليلة العيد ومش هتندمه بس والنبي ماتنسوش تدعولي 
واللي متزوجي ابقى اعمليها ف النهار علشان زوجك ما يعيبش عليكي زي بابا
ماعمل في وكمان علشان تبقى ريحة شعرك حلوة باليل 
صدقوني انا ليا ساعة الا تلت بكتب ف الموضوع انا لسه عملاها ومجرباه بنفسي 
وهاقوم اصلي الظهر ادعولي ربنا يتقبل مني صلاتي وصيامي ودعائي وادعولي شعري 
يطوووووووووووووووووول تقبل الله منا ومنكم
ماتنسوش التقيم واي سؤال انا ف الخدمة بس ماحدش يزعل لو اتخرت ف الرد
انتم عارفين بقى نظافة العيد والشغل اليومين دول والسلام خدام في امان الله

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 

حاجة سريعة اعمليها ليلة العيد صحيت الصبح شعري حاجة تانية وريحته روعة

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
سيدتى الجميلة :: منتدى الأسرة :: العناية بالبشرة والشعر-